Зи математикадин муаллим
Дяведин гугъуьналлай четин йисар. Кьиблепатан Дагъустандин дагълариз чкIанвай гъвечIи хуьрер. Виниз хкаж жердавай, хуьрера кIелиз, кхьиз ва гьисабиз чидайбурун ва чирдайбурун кьадардин эксиквал лап рикIивай гьисс жезвай. И месэлаяр гьялун фикирда аваз, вири мумкинвилерикай менфят къачун герек къвезвай. ИкI, Чеперин хуьруьн ирид классдин школа вадралди акьалтIарнавай кьве ученик, муаллимвал ийиз, къунши Ухулрин хуьруьз рекье туна. Сад – урус тарсар гун патал, муькуьди - математикадин муаллимвиле.
Заз, алатай виш йисан 60-70-йисара математикадин тарсар гайи муаллим Алиев Али Османовичан зегьметдин биография гьа идалай гатIун хьана. Али Османович юкьван буйдин, зайиф ухшардин инсан тир. Чаз тарс гудай чIавуз адакай еке хзандин кьил, ирид аялдин буба хьанвай. ЧIехи хзан хуьн паталди гзаф зегьмет чIугуниз мажбур хьанвай муаллимдин югъ школада акъатзавай. Амма Али муаллим вичин кIвалахдив еке гьуьрметдивдив эгечIдай. Ам гьар са тарсуниз рикIивай гьазур жедай. Адав планривни конспектрив ацIанвай яцIу дафтарар жедай. Тарсара муаллимди а дафтарар садрани ахъайдачир, вучиз лагьайтIа, адаз ана кихьенвай затIар хуралай чизвай. ГьакI ятIани, ада садрани школадиз алатай йисан кихьинар гъидачир, гьар йикъа тарсуниз гьазур жедайла, тарсунин планни еке конспект цIийи кьилелай кхьидай. Муаллимри, вуна вучиз шазан конспектрикай менфят хкудзавач, математикадин программайра цIийивилер авач кьван лагьана суал вугайла, ада зарафат жуьре жаваб гудай: «Дустар, куьн заз, зи кIалубдиз килиг, завай цан цаз ва я хпер хуьз жедани? Муаллимвал авун, аялриз чирвилер гун – им зи кьилин пеше я. Гьавиляй за адаз къуллугъни ийизва!» И гафар лагьайдалай кьулухъ, ам яргъалди атIуз-атIуз хъуьредай. Гаф атай чкадал лугьун, Али Османовичаз ажаиб кьетIенвал авай – адаз садрани масада лагьай гафарал хъуьруьн къведачир, амма вичин зарафатдал лап рикIивай хъуьредай.
Юлдашрин арада Али муаллимдиз гьуьрмет авай, са бязибурухъ галаз адан лап еке дуствилин ва ихтибардин алакъаярни авай. Бязи дуьшуьшра ам, рикIе авайди чуьнуьхиз, масадаз лугьуз тежер инсандиз ухшар жедай. Амма, гьакъикъатда лагьайтIа, ада ихьтин декьикьайра арада авай алакъаяр ери авачир, нубатсуз амалрикай хуьзвай. Адахъ, вичи вич архаиндаказ гьиссдай, кIеви дустарин лап гуьтIуь са кIеретI авай. И кIеретI кIватI хьайила, ада виш граммни хъвадай, дустарихъ галаз маниярни лугьудай, вичин чIехи хзанда хьайи са зарафатдин агьвалат ахъайна, лап рикIивай хъуьруьнарни ийидай.
Хуьре, Али Османовичан уьмуьрда кьетIен чка кьазвай, мад са кар авай. А кар, муаллимди вичин дустарихъ галаз, ара-ара, хуьрелай къерехдихъ галай «Сирар» лугьудай синел физвай рекье, сейр авун тир. Рехъ хуьруьн булахдин, спортплощадкадин патавай физвай. Гьавиляй а рекье гьалтдайбурни чина хъвер авай, бедендик хвеш квай жегьилар – футбол къугъвана хквезвай аялар, кварар гвай рушар, а рушариз килигиз къвезвай свас хкязавай жегьил гадаяр тир. Али Османовича ва адан дуст муаллимри и рекье чпиз акур-такурдакай, дуьнядин хабаррикай – политикадикай, илимдикай суьгьбетардай. Рекьин а кьиле авай «Сирар» синелай Самур дере капаллай хьиз аквадай. Синел са вад-цIуд декьикьада ацукьна, дередин секин гуьрчеквал кьве патахъай Шалбуз ва Гатун дагъдин кукIушри дикъетдалди хуьзвай шикилдик уртахвал авурла, беденда авай юргъунвал михьиз акъатдай. Са гафуналди, Али муаллимдиз и рекьяй фена хтун тарсарилай кьулухъ ял ягъдай, бедендиз къуват хкидай са жуьре тир.
Къиметрал гьалтайла, Али муаллим кIеви инсан тир. Адан тарсуна хъсан къимет къачун гьич регьят кIвалах тушир. Адахъ гьар йикъан къиметар журналда эцигдайла ишлемишзавай вичин хсуси лишанар авай. Аялрин кьил а лишанрай фадлай акъатнавайтIани, муаллимди абур гъиляй ахъайзавачир.
…Агъзурни кIуьд вишни пудкъанни муьжуьд лагьай йисан кьуьд мекьи кьуьд тир. За а йисуз ирид лагьай классда кIелзавай. ХъуьтIуьн каникулриз зун Махачкъаладиз мугьманвиле фена. Элкъвена хуьруьз хквез кIан хьайила, еке живер къвана, автобусар районриз къвезвачир. Гьавиляй зун тарсарикай хкатна. Зун авачир йикъара Али Османовича аялрихъ галаз цIийи тема куьтягьна. Зун хтайла, ам классдин аялрихъ галаз а темадай контрольный кIвалах кхьиз гьазур хьанвай. Гьелбетда, заз и темадай чирвал авачир. ГьакI ятIани, зун виридахъ галаз контрольный кхьиниз мажбур хьана. За тарсуна ацукьна заданиярни кхьена ва гьа жуван рикIел аламай затIарикай са гьал туькIуьрна, дафтар виридахъ галаз муаллимдив вахкана…
Пакад юкъуз, Али Османовича дафтарар пай хъийидайла, къиметар малумриз эгечIна. Зав агакьайла, ада зи къимет… вад тирди малумарна. Садлагьана зун кухунна. Муаллимди са пуд кьванни эцигдатIа лугьуз фикирзавай заз вад?! Им гьикI жезвай кIвалах ятIа лугьуз зун фикирди кьуна. За кьил хкажна муаллимдиз килигна. И чIавуз Али Османович акъваз хьана, классдилай вил аладарна, ахпа захъ галаз вилер вилера туна, виридаз ван къведайвал, кIевидаказ лагьана: АВАНС я! ИкI лагьана, ам и гафарин гъавурда акьун тавур классдин вилик, гьа вичиз хас тир жуьре, атIуз-атIуз хъуьрена. Ахпа ада зав зи дафтар вахкана. Дафтарда зи усал зегьметрилай яру ручкадалди цIарар чIугуна, къвалавай дуьз кхьинар хъувунвай. Агъадихъайни зал, мад яру рангуналди илисна кхьенвай лап еке «вад» ягьанат кваз хъуьрезавай…
Заз амукьайди, гуьгъуьнал алай са шумуд юкъуз зегьмет чIугуна, зун хкатай тема лап рикIивай чирун хьана. А чIавара школадин учебникар хъсанбур тир.
Гуьгъуьнин йисара школадин са бязи выпускникри, меркезда кьилин образование къачуна хуьруьз хквез, тарсар гузвай. Хъсан ученикри муаллимвилин пеше хкягъзавач лугьуз, Али Османович перт жедай. ГьакI тиртIани, ада жегьил муаллимрал къаюмвал ийиз алахъдай, вичивай жедай куьмекар гудай.
Гьайиф хьи, вахтуни вири крара дегишвилер твазва. Али Османовичан яшарини чпикай фад-фад хабар гуз эгечIна. Али муаллим пенсиядиз экъечIун мажбур хьана. Аяларни эвленмиш хьана, гьар сад санихъ чкIана. Али Османовичан чIехи веледди, бубадизни дидедиз хуьре четин жез акурла, абур шегьердиз хутахна. Амма бубади шегьерда уьмуьр тухун сакIани кьабулнач, хциз элкъвена хуьруьз хутахун мажбурна. Ингье, са йисалай, хкведай рекье, хуьруьз агакь тавунмаз, Ахцегьа Али Османович регьметдиз фена…
Гуьгъуьнай муаллимдин хци эхтилат авурвал, ада са шумуд йикъан вилик, вичин вил садра хьайитIани дуст муаллимрихъ галаз «Сирар» синел сейр авунихъ галамайди лагьанай. Лугьун хьи, а чIавуз адан дустарин чIехи пай и дуьнядилай фенвай…
Алатай гатуз зун хуьруьз хъфенай. Ана зун Али Османовичан рикI алай «школа – Сирар» маршрутда къекъвена. Рекье зун хуьруьн рикIелхкунрин селдик акатна. А селдик Али Османовичан экуь къаматди регьимлувилин ва инсанвилин жигьетдай кьетIен чка кьунвай. А касди заз эцигай «вадакай», вичин гьахъсузтирвилиз килиг тавуна, зи уьмуьрда виридалай еке савкьватрикай сад хьана. Ви муаллимди ваз авур ихтибардилай багьа шей и дуьняда хьун мумкин яни мегер? Муькуь патахъай лагьайтIа, Али муаллимди авур кIвалахди зун гьамиша жув жувал мукъаят хьуниз мажбурзава – заз, зи кIвалахдиз гайи къимет гьикьван екеди хьайитIани, ам гьахъсуздини хьун мумкин тирди рикIелай алудиз тазвач.
Лайихлу уьмуьр тухвана Али Османовича. Вич Аллагьдин регьметдик кваз хьурай.
Мой учитель математики
Суровые послевоенные годы. Маленькие села, разбросанные по горам Южного Дагестана. Чем выше аул, тем острее чувствуется нехватка умеющих читать, писать и считать, а также учителей. Используется любая возможность для решения этих проблем. Двоих учеников-отличников, окончивших джабинскую семилетку, отправляют учительствовать выше в горы, в соседнее село Ухул. Одного – учителем русского языка и литературы, другого – учителем математики.
Так начиналась трудовая биография моего учителя Алиева Али Османовича, который учил нас математике в джабинской средней школе во второй половине 60-х – начале 70-х годов.
Али Османович был невысокого роста, выглядел худым, болезненным человеком. К тому времени у него уже была большая семья: он стал отцом семерых детей. Чтобы их прокормить, ему приходилось целые дни проводить в школе, вести много уроков. К своей работе он относился с большим тщанием, готовился к каждому уроку, его поурочные планы и конспекты состояли из толстых сплошь исписанных общих тетрадей. На занятиях он их почти не открывал, хотя в них находились подробнейшие решения рассматриваемых задач. Каждый год он их писал заново, никогда не пользовался прошлогодними конспектами. Коллеги удивлялись, а он в шутку говорил им: «Посмотрите на меня, я разве могу пахать в поле или пасти баранов в горах? Преподавать, учить детей – это мое, это то, на что я способен, вот поэтому и стараюсь!» И смеялся долгим прерывистым смехом. Кстати, почему-то ему никогда не бывало смешно от чужих шуток, но зато над своими смеялся от души.
Коллеги его уважали, с некоторыми из них у него были дружеские доверительные отношения. Иногда он казался человеком скрытным, а на самом деле он просто не допускал в своих отношениях с окружающими излишней слабости или панибратства. Только в узком кругу близких друзей Али Османович позволял себе расслабиться и раскрыться. Здесь он мог и сто граммов пропустить, и песню спеть, и рассказать какой-нибудь смешной случай из жизни своего большого семейства, и до упаду смеяться с друзьями. Но особенное место в его жизни занимали регулярные прогулки с друзьями до Сирар и обратно. Сирар – это место в полутора километрах от села, откуда открываются красивые виды на горы Шалбуздаг и Гетинкил, на Самурскую долину, дорога туда ведет мимо сельского родника. Там располагалась единственная во всей округе ровная площадка – большое поле, которым пользовались для игры в футбол, волейбол, а также оно служило полигоном на уроках по вождению трактора. Чтобы добраться туда, требовалось идти минут двадцать прогулочным шагом. Пацаны по этому маршруту шли на Сирар, чтобы поиграть в футбол, более взрослые молодые люди прогуливались мимо родника, чтобы присмотреть себе невест. А для Али Османовича и его близких друзей-учителей прогулки до Сирар и обратно были разрядкой после тяжелого рабочего дня. По пути они обменивались новостями, говорили о науке, политике, жизни.
По отношению к ученикам Али Османович был довольно строгим учителем. Получить хорошую оценку у него было непросто. Для текущих отметок у него была своя система кодировки. Правда, дети ее давно расшифровали, но он упорно продолжал ею пользоваться. А контрольные он оценивал по стандартной пятибалльной системе.
...Январь 1968 года был холодным и снежным. В том году я учился в седьмом классе. На зимние каникулы поехал в Махачкалу погостить у родственников. Из-за морозов и снегопадов автобусы нерегулярно ездили в районы, и я не смог вернуться вовремя. Пропустил занятия в школе, в том числе и по математике. Так получилось, что Али Османович прошел с нашим классом новый раздел, и я попал на заключительную контрольную работу. Естественно, знаний по новой теме у меня не было. Но я досидел до конца урока, написал условия задач и, стараясь как-то выйти из положения, кое-что написал и сдал работу. На следующем занятии Али Османович, раздавая тетради, тут же объявлял отметки. Когда очередь дошла до меня, он объявил, что я получил... пятерку! Я чуть с парты не упал, какая там, к черту, пятерка! Тем более от Али Османовича. Здесь хотя бы тройку получить. А в это время Али Османович сделал паузу, окинул взглядом сидящих в классе и глядя мне в глаза громко добавил: «Авансом!» Потом, глядя на ничего не понимающий класс, громко рассмеялся своим обычным длинным и прерывистым смехом. Он отдал мне тетрадь, где красным были вычеркнуты результаты моих жалких трудов, тем же цветом вписаны правильные решения всех задач, а снизу на меня издевательски смотрела большая и жирная пятерка. Мне ничего не оставалось, как в ближайшие несколько дней напрячься и изучить пропущенный раздел. Учебники в то время были хорошие.
Со временем в школу стали возвращаться выпускники, получившие высшее образование в столичных вузах. Али Османович сокрушался, что, с его точки зрения, не самые лучшие ученики выбрали профессию учителя, присматривался к работе молодых коллег и по возможности старался помогать им.
Но, к сожалению, жизнь во все вносит свои коррективы. Все чаще возраст Али Османовича напоминал о себе. Учитель ушел на пенсию. Дети его обзавелись семьями и разъехались кто куда. Старший сын, видя, что жизнь на селе становится все более тяжелой для родителей, решил забрать их к себе в город. Но городскую жизнь Али Османович решительно не принял. Он настоял на том, чтобы вернуться обратно в село. И вот через год на обратном пути, не доехав до селения, в районном центре Ахты Али Османович скончался...
Как позже рассказывал его старший сын, незадолго до смерти он говорил, что многое отдал бы за то, чтобы еще раз пройтись до Сирар в компании своих друзей-учителей. Друзей, которых к тому времени по большей части не было в живых.
Этим летом я побывал в селе, прошелся по любимому Али Османовичем знаменитому джабинскому маршруту «школа – Сирар». Мощным потоком хлынули на меня воспоминания. В этом потоке особым светом доброты и человечности выделялись воспоминания, связанные с Али Османовичем. Ведь та самая «жирная пятерка» от него, несмотря на свою незаслуженность, оказалась для меня одним из самых дорогих в жизни подарков. Ибо что может быть дороже, чем доверие, вера в тебя, исходящие от твоего учителя? А с другой стороны, она запустила во мне некий механизм, заставляющий критически относиться к своим результатам, всегда напоминающий о том, что пятерка-то может оказаться незаслуженной.
Достойную жизнь прожил Али Османович Алиев. Пусть Аллах упокоит его душу!
